Dà sheachdain!!!

cymeraGàidhlig

Posted in Ficsean-saidheans, naidheachd | Comments Off on Dà sheachdain!!!

Rete filoviaria di Roma – Turas dhan Ròimh III #gàidhlig

Às dèidh an turais againn dhan Bhatacan, bha sinn gu math gu math sgìth. Ged is e dùthaich bheag bhiodach a th’ innte, bha sinn air tòrr mòr coiseachd a dhèanamh eadar na gàraidhean, an taigh-tasgaidh agus Bàisilig Pheadair.

Tha e sgìtheil cuideachd a bhith a’ coimhead air an uiread de dhealbhan is ìomhaighean ainmeil agus ailtearachd air leth – às dèidh greis, fàsaidh tu caran blasé leis gu bheil an uairead de dh’obraichean ealain is bling ann!

View this post on Instagram

Dòm Bhàislig Pheadair, A’ Bhatacan #gàidhlig

A post shared by Alasdair MacCaluim ? ? ?gbsct (@alasdairmaccaluim) on

Bha sinn gu math feumach air rudeigin ri ithe is ri òl, ach ged a tha cafaidh ann an taigh-tasgaidh a’ Bhatacan, cha robh cothrom againn a dhol ann a chionn ’s gun robh sinn air turas- treòraichte. Bha sin a’ cur orm rud beag oir mar as trice, airson a ràdh gun do thadhal mi air dùthaich, tha mi a’ creidsinn gum feum mi cadal ann– no aig a’ chàr as ìsle, gum faigh mi srùbag ann!*

A dh’ aindeoin seo, ge-tà, bha mi a’ faireachdainn aig a cheann thall gun robh mi air tadhal air a’ Bhatacan agus chuir mi a-steach i dhan aplacaid Been a bhios a’ clàradh nan dùthchannan air an do thadhail thu.

img_1879

Seo na dùthcannan uile anns an robh mi gu ruige seo – 24% de dhùthchannan na Roinn Eòrpa agus 5% de duthchannan uile an t-saoghail a rèir Been

Leis a sinn, rinn sinn air an Eadailt a-rithist agus lorg sinn taigh-bìdh math faisg air làimh air prìs reusanta agus le deagh bhiadh. Nis, bha mi a-mach air na stereotypes mun Ròimh agus mun Eadailt agus tha dà eile dhiubh a tha gu math fìor nam bheachdsa.

Sa chiad dol a-mach, tha an cofaidh sgoinneil. Dh’òl mi an uiread de chofaidh air a’ chaid latha agam san dùthaich is gun robh mo làmhan air chrith! Cofaidh tè, cofaidh fuar, expressos is cappuccinos gu leòr agus seòrsaichean cofaidh gu leòr nach fhaca mi riamh roimhe ann an Alba – agus uile air leth saor.

Cuideachd, tha am biadh math fhèin cuideachd. Tha e furasta gu leòr pizza math fhaighinn taobh a-muigh na h-Eadailt ach tha am pasta ann an taighean-bìdh an seo sgriosail mar as trice – chan fhaigh thu ach glè bheag dheth,  tha e air a bhruich cus agus bidh e gu math daor – ged a tha pasta cho saor ’s a ghabhas. Gach turas a tha mi air a bhith san Eadailt, tha am pasta air a bhith sgoinneil – gu leòr ann, gun a bhith air a bhruich gu bàs agus air prìs reusanta.

Às dèidh biadh, rinn sinn air an taigh-òsta agus dh’fhàg mi Jenny an sin le deagh leabhar agus botal fìona agus chaidh mi fhèin a-mach a-rithist airson adventure mòr – busaichean-tràilidh na Ròimhe!

Mur eil fhios agad dè th’ ann am bus-tràilidh, ’s e a th’ annta ach carabad a tha letheach slighe eadar trama agus bus. Tha iad a’ ruith air uèirichean san aon dòigh sa bhios trama ach aig an aon am, tha iad a’ ruith air taidhrichean seach air rèilichean.

Bha siostam busaichean-tràilidh mòr san Ròimh uair agus bha e 137 km a dh’fhaid ann an 1957 ach chaidh a dhùnadh mean air mhean leis an loidhne mu dheireadh a’ falbh ann an 1972.

Gu fòrtanach, thill am bus-tràilidhean no am fiobus – gu sràidean na Ròimhe ann an 2005. Chan eil ach aon loidhne bus-tràilidh anns an Ròimh aig an ìre seo, an àir. 90 eadar Termini, prìomh stèisean bus na cathrach agus Largo Labia a tha 12 mìle a dh’fhaid.

‘S e an rud annasach mu na tràilidhean seo nach eil iad ann an uèirichean ann am meadhan na seann cathrach. Mar sin, nuair a tha a’ tighinn faisg air Termini, bidh iad a’ ruith air bataraidh seach air na uèirichean.

Dà bhus-tràlidh Ròmanach ann an Roma Termini

‘S e busaichean-tràilidh mòra a th’ annta – bendy-buses mar a chanadh tu sa Bheurla.

‘S e ‘bendy-buses’ a th’ anns na tràilidhean seo

Rinn mi air Termini air a’ bhus agus cha b’ e ruith ach leum dhomh a dhol air an tràilidh. Nuair a thòisich e, chuir e iongnadh orm cho sàmhach sa bha e agus cuideachd, cho luath ’s a bha e air luathachadh (acceleration) – is beag an t-iongnadh gur e an ’silent death’ am far-ainm a bh’ orra ann an Glaschu!

Chaidh sinn gu sàmhach luath tro shràidean a’ Bhaile Shiorraidh le fuaim socair nam motairean dealaineach a’ dèanamh crònan socair.

Aig deireadh na loidhne, thàinig mi far an tràilidh gus dealbh no dhà a thogail agus bha an dràibhear a’ coimhead orm mar gun robh mi às mo chiall! Nach eil fhios aige, mar dràibhear bus-tràilidh dè cho cool ’s a tha iad?!

Aig deireadh na loidhe

Nis, tha cuid a’ faighneachd am mair na tràilidhean san àm ri teachd. Le bataraidhean a’ sìor nas nas saoire, nach biodh e nas fhasa busaichean-dealaineach a bhith ann a ruitheas air bataraidhean seach air uèirichean os cionn (overhead wires)?

Chanainn ge-tà gum bi àite ann do na tràilidhean gu bràth oir ged a dh’fhàsas bataraidhean nas saoire is ged a nì iad astar nas fhaide is nas fhaide gach bliadhna, tha iad gu math trom, gu math cosgail agus chan eil bataraidhean iad idir cho uaine ri bhith a’ ruith air uèirichean.

Chan eil latha nam busaichean-tràilidh seachad agus tha mi a’ dèanamh fiughair ri aiseirigh nam tràilidh ann an Alba latha de na làithean – modh-còmhdhail a tha uaine, luath agus nach bidh a’ truilleadh an adhair.

Bus-tràilidh glèidhte à Glaschu

Alasdair

*An e dìreach mi fhèin a tha a’ faireachdainn mar seo, no an e rud cumanta a th’ ann??

 

Posted in An Eadailt, An Roimh, busaichean-tràilidh, filobus, filoviara di Roma, Italia, italy, Roma, tràilidhean, trolley-buses, trolleybuses | Comments Off on Rete filoviaria di Roma – Turas dhan Ròimh III #gàidhlig

Am Broc air slighe na fìrinne – turas dhan Bhatacan II #gàidhlig

Posted in a' Bhatacan, An Eadailt, Bhatacan, Italia, italy, meanbh-staitean, microstates, rathaidean-iarainn, rathaidean-iarainn thall thairis, vatican, Vaticano | Comments Off on Am Broc air slighe na fìrinne – turas dhan Bhatacan II #gàidhlig

Thàinig, Chunnaic, thug buaidh! Turas dhan Ròimh 1 #Gàidhlig

Chaidh sinn dhan Bhaile Siorraidh – an Ròimh – bho chionn goirid gus coimhead air na h-àiteachan ainmeil – a’ Bhatacan, an Colosseum agus mar sin air adhart. Ach a bharrachd air sin, bha mi ag iarraidh na trèanaichean, tramaichean agus tràilidhean fhaicinn agus ionnsachadh mun t-siostam còmhdhail aca.

An Leonardo Express – an trèana eadar Roma Termini agus Port-adhair Leonardo Da Vinci

Thòisich an turas againn le plèana gu Amsterdam. Ged a bha sinn a’ dol gu dùthaich bhlàth ann an Ceann a Deas na h-Eòrpa, bha mi a’ leughadh leabhar air a’ phlèana mu eilean gu math fuar gaothach ann an iar-thuath na h-Eòrpa – na Blascaodaí ann an Èirinn. Leugh mi leabhar Peig ann an Eivissa (Ibiza) dhà no trì bliadhnaichean air ais is mar sin, an turas seo, cuir mi romhan the Western Island le Robin Flowers (Bláithin) an turas seo!

Bha am plèana againn air dheireadh a’ ruigsinn Amsterdam Schiphol agus bha againn ri ruith dhan ath phlèana. ‘S e port-adhair air leth fhèin mòr a th’ ann an Schiphol agus bha againn ri ruith gun sgur fad lethuair a thìde gus am plèana againn a ghlacadh agus is gann gun do ghlac sinn am plèana againn aig a’ cheann thall.

Nuair a ràinig sinn an geata mu dheireadh thall, bhruidhinn mi ri Sasannach a bha na sheasamh rim thaobh.

“Duilich a charaid” arsa e, “chan eil Dùidsis agam!”

Tha seo dìreach a’ dearbhadh gu bheil mo chuid Beurla a’ dol am miosad!

Nuair a ràinig sinn Port-adhair Leonardo Da Vinci, ghlac sinn an trèana dhan taigh-òsta againn. Tha roghainn ann eadar trèana luath gu meadhan a’ bhaile air €14 no trèana nas saoire gu iomall a’ bhaile air €8 Euro. Ghlac sinn an trèana shaor oir bha sinn ag amas air stèisean Trestevere seach air Termini – Glaschu Mheadhain na Ròimhe!

View this post on Instagram

Treàna Eadailteach! #gàidhlig

A post shared by Alasdair MacCaluim ? ? ?gbsct (@alasdairmaccaluim) on

Bha dà rud cool mun turas. Sa chiad dol a-mach, ’s e trèana double decker a bh’ innte. San dàrna àite, tha adan sgoinneil aig stiùirichean nan trèanaichdean – gu math snasail agus seann sgoil!

Aig an stèisean, chunnaic sinn trama Ròmanach airson a’ chiad uair. Mar a bhiodh tu an dùil airson prìomh bhaile, tha measgachadh ann de dhiofar dhòighean còmhdhail – trèanaichean, meatro, busaichean agus fiù ‘s busaichean-tràilidh. Tha na prìsean gu math ìosail cuideachd – €1.50 airson 1 turas trèana/trama/meatro agus/no suas ri 100 mionaid air seirbheisean bus agus €7 airson tiocaid fad latha. Abair bargan an taca ri Alba!

Choisich sinn an uair sin dhan taigh-òsta agus mhothaich sinn gun robh dà stereotype mun Ròimh fìor. Sa chiad dol a-mach, bha na dràibhearan craicte agus cha robh iad a’ toirt mòran feart air na pedestrian crossings. San dàrna àite, tha am moped gu math mòr-chòrdte sa bhaile. Chunnaic sinn barrachd san Ròimh ann an lethuair a thìde na chunnaic mi nam bheatha ann an Alba.

Nuair a ràinig sinn an taigh-òsta, bha sinn toilichte fhaicinn gu bheil an Ròimh gu math coltach ri Glaschu oir bha àite air taobh eile na sràide a bha coltach ri gasworks Pròbhain! (Ach cha robh postair Mr Happy le “Glasgow’s Miles Better” ann gu mì-fhortanach….)

View this post on Instagram

Provan Gasworks na Ròimhe #gàidhlig

A post shared by Alasdair MacCaluim ? ? ?gbsct (@alasdairmaccaluim) on

Às dèidh cuairt gu meadhan a’ bhaile agus turas air bus fosgailte an luchd-turais, rinn sinn air a’ Bhatacan. Tha mi beò-ghlacte le meanbh-stàitean – microstates – dùthchannan fìor bheag. Tha còig ann san Roinn Eòrpa, A’ Bhatican, Monaco, Andorra, San Marino agus Liechtenstein agus ’s e a’ Bhatacan an tè as lugha aca.

Nis, tha mi air Ceàrnag Naomh Pheadair fhaicinn air an TBh iomadh turas ach tha e coimhead gu math eadar-dhealaichte nuair a chì thu e an a-rìribh agus bha greis ann mus do thuig mi gun robh sinn ann!.

Ceàrnag Pheadair, A’ Bhatacan

Ged is e dùthaich fìor bheag a th’ anns a’ Bhatacan, chan eil mòran dhith fosgailte dhan t-sluagh. A bharrachd air Ceàrnag Pheadair, Bàislig Pheadair agus an Taigh-tasgaidh, tha a’ mhòr-chuid den dùthaich dùinte dhan phoball mar as trice.

Mar sin, bha mi air tiocaidean a chur air dòigh airson an ath latha airson a dhol air turas sònraichte de Ghàradh na Bhatacain gus am faicinn barrachd den dùthaich bhig sgoinneil seo!

Abair latha – ceithir dùthchannan ann an aon latha – Alba, na Tìrean Ìosail, an Eadailt agus a’ Bhatacan uile!

Ri leantainn…..

Alasdair

Air m’ i-pod: The Hooters One Way Home (1987). Pop-roc foirfe à Philidelphia!

An leabhar agam: The Western Island, Robin Flowers.

 

Posted in a' Bhatacan, An Roimh, Bhatacan, Italia, italy, Leonardo Express, rathaidean-iarainn, rathaidean-iarainn thall thairis, Roma, Termini, vatican | Comments Off on Thàinig, Chunnaic, thug buaidh! Turas dhan Ròimh 1 #Gàidhlig

Na h-Oileanaich As Fheàrr!

Seall na fhuair na h-oileanaich agam dhomh:

muga kneecap1

muga kneecap2

Muga Kneecap!!! Total quality.

Posted in Ceòl, naidheachd | Comments Off on Na h-Oileanaich As Fheàrr!

2019 an Cèitean: Fritilean Ceann-nathrach / May: Snake’s Head Fritillary

Fritilean Ceann-nathrach / Snake’s head fritillary

Bha e riamh na iongnadh dhomh mar a chruthaicheas nàdar lus ball-breacte mar chlàr-tàileisg – chan eil mi eòlach air fear sam bith ach an fhritilean cheann-nathrach. Chunnaic mi a’ chiad uair e ann an dath-uisge le Charles Rennie Mackinosh https://www.pinterest.co.uk/pin/264445809339397836/ , agus is esan aon de na lusan as roghnaiche leam o sin a-mach. Cheannaich mi poit bheag dhiubh trì bliadhna air ais agus chuir mi ann an tuba sa ghàrradh iad. Bho ach còig no sìa cinn, dh’fhàs iad (gun chùram sònraichte) gu 17 san eadar-àm, cuid dhiubh air an sìolachadh ann am badan eile.

Rinn mi beagan rannsachaidh. Leis gun robh mi a’ creidsinn gur e lus ainneamh deòranta a bh’ ann, chuir e iongnadh orm faighinn a-mach gur e diùlnach faichean-feòir Bhreatainn a bh’ ann. Bhiodh e ri fhaicinn fad is farsaing gu sònraichte ann an Sasainn a deas, m.e. ri taobh an Thames, agus rachadh a reic le clann ann an sràidean Lunnainn.

Sgaoilidh an lus tro a shìol, mura bi an fhaiche air a buain aig àm blàthachaidh, agus tro a mheacanan. ‘S fheàrr leis talamh tais. Le trìall nan dòighean-tuathanasachd traidiseanta agus treabhadh nan seann fhaichean, rud a mhilleas na meacanan, tha e air fàs fada nas ainneimhe. Gu fortanach tha làraichean ann a-nis ann an Sasainn a deas, fo dhìon Urras an Fhiadh-bheatha, ann an tearmannan nàdair ionadail, m.e Clattinger Farm agus North Meadow Cricklade, agus bha caraid agam an sin a chuir dealbhan thugam.

Bha mi a’ smaoineachadh cuideachd nach biodh lus mar sin freagarrach dhan aimsir againne cho fada gu tuath, taobh a-muigh a’ ghàrraidh co-dhiù, ach bha mi fada ceàrr a-rithist. Tha e na fhlùr oifigeil de mhòr-roinn Uppland, anns an t-Suain, agus fàsaidh e gu soirbheachail taobh a-muigh Uppsala air Faiche an Rìgh, far an d’fhuair e ainm Suaineach, kungsängslilja. https://linnaeusuppsala.com/the-snakes-head/  Mar sin tha mi beò an dòchas gun urrainn dhaibh a bhith air an stèidheachadh, latha air choireigin, ann an Ros an Ear torrach againn cuideachd.  Nach eil ùidh sam bith aig tuathanaich no buidhnean coimhearsnachd ann am faiche-fheòir thraidiseanta?

***********************************************

It has always fascinated me how nature can produce a checked plant – the snake’s head fritillary is the only one I have come across.  I first saw it in a reproduction of a Charles Rennie Mackintosh water-colour https://www.pinterest.co.uk/pin/264445809339397836/, and it has been a favourite ever since. 3 years ago I bought a small pot of it and planted it in a tub in my garden. From 5 or 6 heads, it has now (without special care) grown to 17, several seeded into other tubs.

I did a wee bit of research into it.  Having always thought of it as a rare, exotic plant, I was surprised to find it was for centuries a stalwart of British hay-meadows. It was particularly widespread in southern England, for example by the Thames, and would be sold by children in the streets of London.

The plants spreads via its seeds, if the meadow is left unmown in the flowering period, and its bulbs. It prefers damp ground. With the demise of traditional farming methods and the ploughing up of the old meadows, which destroys the bulbs, it has become much rarer. Fortunately some sites in southern England are now protected by the Wildlife Trust in local nature reserves, e.g. Clattinger Farm, and North Meadow Cricklade, and a friend of mine who has been there has sent me photos.

I had also thought it would not be suited to our northern climate, outside a garden anyway, but I was far wrong again. I learnt that it is actually the national flower of the province Uppland in Sweden, and grows successfully on the King’s Meadow outside Uppsala, hence its Swedish name kungsängslilja :  https://linnaeusuppsala.com/the-snakes-head/  So I live in hope that it can maybe one day also be established in our fertile Easter Ross – any farmers or community groups interested in a traditional hay meadow?

Dealbhan fhaichean (1,3) le ©JDatchens, le tàing, an fheadhainn eile leam fhìn / meadow photos (1,3) by  ©JDatchens, with thanks, otherwise my own

Posted in Seaboard News Gaelic archive | Comments Off on 2019 an Cèitean: Fritilean Ceann-nathrach / May: Snake’s Head Fritillary

Gaelic furry friends! #gàidhlig

Are you interested in the Scottish Parliament and in Gaelic? Follow our Gaelic Word of the Week podcast on Soundcloud and learn about the Parliament while also learning a little Gaelic. Today (Monday 29 May) the Holyrood Dog of the Year contest is taking place which brings together politicians and their pooches to promote responsible … Leugh an corr de Gaelic furry friends! #gàidhlig
Comments Off on Gaelic furry friends! #gàidhlig

A’ togail fianais an aghaidh Blàthachadh na Cruinne | Gàidheil XR

Chaidh Gàidheil XR a ‘Die In’ aig Taigh-tasgaidh Kelvingrove gus an cunnart a th’ ann an atharrachadh na gnàth-shìde do dhaoine, do chànain agus do chulturan a shealltainn. Tha Catrìona Mulholland, a tha na ball den iomairt, ag aithris.

Aig 3f Disathairne, 27 den Giblean, 2019, chruinnich daoine timcheall air Dippy an dìneasair agus le fuaim na fìdhle shìn iad sìos air an làr mar ’s gun robh iad marbh. Air bràigh an cuirp, dh’fhoillsich na com-pàirtichean brathan a thug rabhadh mu chunnart blàthachadh na cruinne. Tha an tachartas seo na phàirt de ‘Die In’ eadar-nàiseanta agus bha Gàidheil XR ag iarraidh cuideam a chur air a’ chunnart a th’ ann am blàthachadh na cruinne do chulturan agus do dhaoine dhùthchasach a tha mu choinneamh bhagairtean mar-thà.

Tha Misneachd air a bhith a’ cumail taic ri Gàidheil XR bho thòisich iad anns a’ Mhàrt. Thuirt Màrtainn Mac a’ Bhàillidh, neach-iomairt le Misneachd, “Tha Misneachd a’ toirt taic do dh’Extinction Rebellion leis gur e an aon siostam a tha dèanamh cron air an àrainneachd is ag adhbharachadh atharrachadh na gnàth-shìde ’s a tha a’ fàgail coimhearsnachdan Gàidhlig iomallaichte is fo bhuaidh. ‘S e siostam a th’ ann a bhios a’ cur barrachd spèis ann am prothaid na bhios e a’ cur ann an daoine, cultaran no co-ionannachd.”

Tha Comann Oiseanach Oilthigh Ghlaschu air taic a shealltainn cuideachd airson Gàidheil XR agus tha buill a’ Chomainn air a dhol còmhla ri Gàidheil XR do stailcean na h-òigridh. Thuirt Izzy Flower, iar-cheann-suidhe a’ Chomainn Oiseanaich, “Tha sinn aig a’ Chomann Oiseanach a’ cur taic ris na tha Extinction Rebellion a’ dèanamh. Mar luchd tasgaidh na Gàidhlig, chan urrainn dhuinn gun a bhith a’ mothachadh nach eil feum nar cànan no nar cultar mura bhios àrainneachd shàbhailte againn, ann an Alba agus nas fhaide air falbh, anns an àm ri teachd. Mar luchd labhairt na Gàidhlig, tha sinn cleachdte ri bhith a’ cluinntinn gu bheil e ’ro anmoch’ rudeigin a dhèanamh, ach tha fios againn gu bheil a’ chumhachd againn fhathast ma tha sinn a’ cur luach anns a’ choimhearsnachd seach ann am prothaidean nan companaidhean.”

Tha an tachartas, a chaidh a chur air dòigh le Wee Rebellion, bho Extinction Rebellion Glaschu, a’ leantainn sreath de dh’fhianaisean-dùbhlain ann an Dùn Èideann agus Lunnainn mar phàirt den Ar-a-mach Eadar-Nàiseanta.

Air Diluain an 15mh, chaidh fèis saidheans a chumail ann an Dùn Èideann le taisbeanaidhean is bùithtean-obrach, a’ toirt a-steach taisbeanadh air Extinction Rebellion anns a’ Ghàidhlig. An ath latha, shealladh gun do ghabh mu 700 neach pàirt ann an Ar-a-mach na h-Alba, aig ‘Climate Emergency Roadblock’, air Drochaid a Tuath Dhùn Èideann air 16mh den Ghiblean, agus bha Gàidheil XR an làthair aig a’ bhacadh-rathaid cuideachd. Chum am buidheann an drochaid dùinte fad còig uair a thìde gu leth, a’ cur stad air trafaig bhith a’ dol. Gus an rathad ath-fhosgladh ro dheireadh an fhianais-dhùbhlain, fhuair Poileas na h- Alba grèim air 29 neach-iomairt sìtheil, a’ cur casaid às leth a’ chuid as motha dhiubh le Briseadh na Sìthe, no ‘Breach of the Peace’, agus às leth triùir le ‘Section 38’.

Tha eagraichean bhon Gàidheil XR ag ràdh gum bidh iad ag iarraidh air an riaghaltas an fhìrinn innse mun chùis a thaobh gnàth-shìde, gus Seanadh Saoranach a chruthachadh gus co-dhùnaidhean a dhèanamh air poileasaidh airson na gnàth-shìde, agus sgaoilidhean CO2 a lùghdachadh gu neoni ro 2025 gus an cothrom as fheàrr a thoirt do dhaoine air feadh na cruinne a bhith beò agus a bhith soirbheachadh.
– Catrìona Mulholland, Gàidheil XR

Share

Posted in atharrachadh na gnàth-shìde, blathachadh na cruinne, die-in, extinction rebellion, Gaelic, Gàidhlig, Gun roinn-seòrsa | Comments Off on A’ togail fianais an aghaidh Blàthachadh na Cruinne | Gàidheil XR

Am Bòrd: "àm dùbhlanach" – airson ciall?

Posted in aithisgean bliadhnail, Bòrd na Gàidhlig | Comments Off on Am Bòrd: "àm dùbhlanach" – airson ciall?

Billy MacNèill

Bidh gu leòr ga sgrìobhadh is ga ràdh mu dheidhinn Uilleam MacNèill, fear Celtic gu a smior, sgiobair Leòghainn Lisbon agus fear a bha na fhuamhaire ann am ball-coise na h-Alba, ach chan eil agam ach sgeulachd bheag mar chlach air a chàrn.

Nuair a bha mi nam bhalachan beag, cha robh mo mhàthair gu math, agus cha robh fios agam dè bu choireach. Bha mo mhàthair a’ cur taic ri Celtic air sgàth Rìgh Choinnich Dalglisgh, mar sin sgrìobh mi litir gu Celtic, ga sheòladh gu Billy MacNèill a bha na mhanaidsear aig an àm, a’ faighneach airson autographs. Cò sgrìobh air ais ach Billy e fhèin le nota beag na làimh-sgrìobhaidh ceangailte ris na h-autographs ag ràdh “Tha mi an dòchas gun toir na tha seo air do mhàthair a bhith a’ faireachdainn nas fheàrr.” Saoilidh mi gun tug, oir mu dheireadh thall dh’fhàs i na b’ fheàrr agus i cho làn de bheatha ’s a bha i riamh cha mhòr deich air fhichead bliadhna on uairsin.

A-nis gu bheil e air siubhal às dèidh tinneas fada agus strì an aghaidh seargadh-inntinn, dh’fhairich mi nach robh e ach freagarrach mo dhùrachd agus mo bheannachd fhàgail às a dhèidh airson a choibhneas agus a chobhair beag a rinn diofar mòr do bhalachan beag. Hail Caesar!

 

:: Eòghan

Share

Posted in ball-coise, Spòrs | Comments Off on Billy MacNèill