TirnamBlog.com

Dialann, an t-sìde an-diugh

from puxill — Fri, 14 Jun 2013 11:30:27 +0000

Tha dìle bhàthte ann. 'S e mòr an dìol a tha aige air an uisge. Dh'fhàs an stoirm mòr seo ... a' ghaillean seo ... ann an Iar-mheadhanach Ameireaganach agus thig i 'n seo thairis air leth na dùthcha. 'S e derecho a chanas iad rithe. 'S e stoirm mòr mhòr a bagairidh astar cian a tha Derecho. A bagairidh còrr is ceud mhìle.

Thèid mi dhan sgoil sa' mhadainn an-diugh airson tha tè de na luchd-leabhar-lainn tinn. Bidh mi ag obair an àite tè.

A’ Phàrlamaid ann an Sruighlea #gaidhlig

Oifigear Gàidhlig — Fri, 14 Jun 2013 09:33:10 +0000

Chaidh Sgioba Ruigsinn na Pàrlamaid gu Bun-sgoil Taobh na h-Aibhne ann an Sruighlea an-dè airson seisean foghlaim mu Phàrlamaid na h-Alba. Dh’ionnsaich na sgoilearan p7 anns an aonad Ghàidhlig mu thaghaidhean, deasbadan agus mu chumhachdan Pàrlamaid na h-Alba. Chùm an … Continue reading →

Beàrn dha Neach-Stiùiridh Pròiseact ‘An Cogadh Mòr’

Pròiseact Nan Ealan - Naidheachdan — Thu, 13 Jun 2013 14:12:00 +0000

eadar-theangachadh

An Saoghal Gaidhlig aig Caroline - An blog agam — Thu, 13 Jun 2013 02:09:09 +0000

Cluaintean òr

Rinn mi eadar-theangachadh den t-oran 'Cluaintean or' le Sting. 'S cinnteach gu bheil mearach no dha ann agus chan eil e facail air fhacail ach,
Seo na faclain:

Bidh cuimhne agad nuair a sheideas a’ ghaoth

Air barr nan cluaintean eòrna
Cha bhidh cuimhne agad air a’ ghrian san speur

s sinn air cuart san cluaintean oir

Thuig i a gaol leatha airson sealltain greis

Air nan cluaintean eòrna anns a ghairdean tuiteam ‘s a falt tighinn sios

Am measg na cluaintean oir

Am bidh tu comhla rium, agus bidh mo ghraidh

Am measg nan cluaintean eòrna Cha bidh cuimhne againn air grian san speur

sinn nar sìneadh san cluaintean oir

Chi thu gaoth an iar mar leannan gaol

Air barr nan cluaintean eòrna
Fairich i ag eiridh nuair a phògas tu i

Am measg na cluainteann oir

Cha tug mi geallaidhean gu h-aotromm

Agus tha feadhainn gun do bhrist mi

Ach bheir mi geall sna laithean tha tighinn
coisichidh sinn san òr
coisichidh sinn san òr

Chaidh ‘s immadh bliadhna seachad bhon na laithean sin

Am measg nan cluaintean eòrna Chi a’ chlann nan ruith ‘s a’ ghrian dol sios

Am measg na cluainteann oir

Bidh cuimhne agad nuair a sheideas a’ ghaoth

Air barr nan cluaintean eòrna Innsidh tu don ghrian anns speur ard

Nuair choisich sinn san òr Nuair choisich sinn san òr

Nuair choisich sinn san òr

Agus seo mi ga sheinn.

Dialann – mo phlana an-diugh

from puxill — Wed, 12 Jun 2013 09:58:12 +0000

Diciadain 12 an t-Ògmhìos

Bidh mi a' dol dhan àrd-sgoil madainn an-diugh airson ag obair an àite an tidsear leabharlainn. Tha mi 'n dòchas a dhol air baighsagail ach tha e fliuch an-dràsta. Ma bidh mi a dhol air baighsagail feumaidh mi a dh'fhalbh ron cairteal gu ochd uairean, feumaidh mi a ruigsinn ron cairteal an dèigh.

An-dè cha robh mi a' faireachdan gu math. Bha stamag goirt agam. Tha mi 'n dòchas nach bi i goirt an-diugh.

Bidh mi ag obair a-màireach cuideachd ach bidh e fliudh fad 's an làtha an uair sin. Draibhidh mi.

Naidheachdan – 11 an t-Ògmhìos 2013

from puxill — Tue, 11 Jun 2013 12:48:35 +0000

Air ùrachadh aig 1:41

Ospadal an Ràthaig Mhòir
Thòisich rannsachadh 's e air tiginn am follais gun deach duine a bha fhathast beò a chur dhan mharbhlann aig Ospadal an Ràthaig Mhòir ann an Inbhir Nis. Bha an duine air tuiteam à Drochaid Cheasaig Dihaoine seo chaidh, 's ged a rinn luchd-eiridinn cobhair air bha a h-uile coltas ann gun robh e marbh. Chaidh a thoirt dhan mharbhlann aig Ospadal an Ràthig Mhòir, agus mhothaich luchd-obrach an sin gum faodadh gun robh e fhathast beò. Ged a chaidh cobhair a dhèanamh air, dh'fhailich orra le sin agus chaochaill e. Tha NHS na Gàidhealtachd agus Seirbheis Charbad-Eiridinn na h-Alba a' rannsachadh na cùise.

Ministearan Gèidh
Tha tuilleadh choithionalan agus ministearan a' fàgail Eaglais na h-Alba mu cheist nam ministearan gèidh. Tha, a rèir aithris, aon de na coithionalan mòra soisgeulach, Holyrood Abbey ann an Dùn Èideann, a' fàgail. 'S aig a' cheart àm dh'innis an t-Urr. Anndra Downie do choithional Bheinn nam Fadhla gu bheil esan an dùil an eaglais fhàgail. Coinnichidh Eaglais na h-Alba air an Tairbeart a dh'aithghearr, a dheasbad na slighe air adhart dhaibhsan.

An Tuirc
Chuir ceudan de phoilis ann na Tuirc ruaig air sluagh a bha a' togail fianais an aghaidh an Riaghaltais ann an Istanbul bho chionn cola-deug. Chuir na Poilis deur-ghas agus canan-uisge gu feum. Bha an àimhreit ann beagan uairean de thìde an dèidh do Phrìomhaire na Tuirce coinneamh iarraidh le ceannardan nan iomairtean na aghaidh.

Seirbheisean Adhair
Tha dòchas as ùr gun tòisich seirbheisean adhair còig là san t-seachdain a-rithist eadar Beinn nam Fadhla 's Steòrnabhagh. Thèid Comhairle nan Eilean Siar agus Buidheann Ghnothachais Innse Gall còmhla gus an cruinnich iad fiosrachadh mun iarrtas a th' ann. Chaidh an t-seirbheis a ghearradh gu trì là na bu tràithe am bliadhna, mar phàirt de ghearraidhean na Comhairle.

an t-sìde an-diugh : Bha Dìle Bhàthte Ann

from puxill — Tue, 11 Jun 2013 12:12:10 +0000

DiMàirt, 11 an t-Ògmhìos

Tha e fliuch an-diugh. Tha an speur a' bagairt an uisge an-drasta. Tha an làr bog fliuch, bha dìle bhàthte ann fad na h-oidhche. Tha e fuar cuideachd. 'S e là glas greannach dubhach a th' ann. Tha rabhadh oifigeal ann air tuilltean.

Tha mi a' smaoineachadh gu bi mi a' fantainn a-staigh an-diugh.

Sìol air a chur

Steaphan MacRisnidh — Thu, 06 Jun 2013 22:30:00 +0000

Seo a-nis an fheannag thorrach sa ghàrradh air a ghartghlanadh, 's air a rèiteachadh. Chuir mi sìol leatasan ann oir sin as fhasa fàs, 's chan fheum mi cus a dhèanamh riutha seach glasraich eile. .. tha mi trang!

San dol seachad, 's e mala a thathar no a bhathar a' cantainn ann an cuid a dh'àiteachan ri oir na feannaige. Mala na feannaige. Mar sin, ged nach b' i feannag gàrraidh coltach ri seo a bh' innte, faodaidh feannag a bhith beag no mòr, agus mar sin, canaidh mi mala na feannaige ri oir na geadaige agam!

FACLAN FEUMAIL

feannag thorrach/gàrraidh - garden bed (literally: fertile bed); more usually lazy-bed on land
gead; geadag - a garden bed (or a spot or plot of land), a lazy-bed
mala - oir - edge
air a rèiteachadh - cleared (here, of weeds, and other plants)
glasraich - vegetables
leatasan - lettuces

Tramaichean Dhùn Èideann – turas dhan depot #gaidhlig @edinburghtrams

alasdairmaccaluim — Thu, 06 Jun 2013 10:23:11 +0000

Chaidh mi fhèin is dithis cho-obraiche agam bho Phàrlamaid na h-Alba air turas gu depot nan tramaichean ann an Dùn Èideann Dimàirt is abair gun robh deagh latha againn.

Gaisgich na Pàrlamaid ann an depot nan tramaichean, Gogar

Fhuair sinn cothrom a dhol air bòrd trama, agus an seada is seòmar an CCTV fhaicinn.

Ionnsaich sinn tòrr mun t-siostam ùr:

• Tha an sgioba dòchasach gun ruig na tramaichean Lìte fhathast.

• Tha na tramaichean ans fhaide na trama sam bith eile san RA agus gabhaidh gach trama suas ri 250 neach-siubhail.

• Cha bhi ach aon stad trama ann an Sràid a’ Phrionnsa.

• Tha an siostam 14km uile gu lèir (beagan is 8 mìle).

• Bidh ceanglaichean ann leis an lìonra-rèile aig Margadh an Fheòir, Pàirc Dhùn Èideann agus stèisean ùr ann an Gogar.

• Fosglaidh an siostam san t-Samhradh 2014. Ach bi tramaichean rim faicinn roimhe sin is iad a’ dèanamh deuchainnean air an loidhne.

Tramaichean Dhùn Èideann aig baile ann an Gogar

Alasdair

Flickr ùr – cho dona ri MyGaelic.com! #gaidhlig #flickr

alasdairmaccaluim — Tue, 04 Jun 2013 22:21:28 +0000

Tha fhios agam gum bi rudan ag atharrachadh gu luath anns na meadhanan sòisealta. Chunnaic sinn mar a thachair le Bebo is Myspace is eile – càite a bheil iad a-nis – ach bha rudeigin eadar-dhealaichte mu flickr, an làrach-lìn airson a bhith a’ postadh is a’ co-roinn dhealbhan.

Air flickr, tha cothrom agad do dhealbhan a chur suas, a chur a-steach gu albaman is seataichean, gabhail ann am buidhnean agus beachdan a thoirt seachad air na dealbhan aig daoine eile. Tha fìor spiorad choimhearsnachd ann agus bha susbaint daonnan na bu chudromaiche na coltas na làraich.

Dh’atharraich flickr mo bheatha ann an dòigh. Bho ghabh mi ann an tòiseach ann an 2006, tha mi air a chleachdadh a h-uile latha. Gu dearbha, ghabh mi ùidh ann an togail dhealbhan an tòiseach de threanaichean mar thoradh air an làraich oir bha mi airson ‘s gum biodh cothrom aig daoine na dealbhan fhaicinn, gu sònraichte na dealbhan a thog mi dè rudan nach robh rim faicinn ann an àiteachan eile, lèithid soidhnichean Gàidhlig.

Rinn mi deagh chairdean air flickr, chan e dìreach càirdean air-loidhne ach fìor chàirdean. Agus chaidh cuid de na dealbhan agam a chleachdadh air làraichean-lìn is leabhraichean rèile is cànain agus bhithinn a’ cleachdadh flickr an dà chuid airson spòrs agus airson m’ obair far am bi mi a’ sgrìobhadh blog.

Dh’atharraich seo gu h-oban bho chionn ghoirid air 20/05/2013 nuair a chuir Yahoo! leis as bheil flickr, coltas gu tùr ùr air an làraich. Thàinig seo mar chlach às an adhair gun rabhadh sam bith.

Tha e dona.

Tha e gu math dona.

Tha e fìor dhona.

Tha flickr ùr a cheart cho dona ri MyGaelic.com!

Seadh, Tha e cho dona sin!

O, agus tha e a cheart cho slaodach cuideachd agus loma làn bugs!

Chan eil tiotalan no mìneachadh a’ nochdadh an cois nan dealbhan tuilleadh – feumaidh tu dhol nas doimhne airson am fiosrachadh a lorg. Agus chan eil cuideam air albaman no buidhnean mar a bha. Chan eil e idir cho feumail mar inneal-rannnsachaidh airson dealbhan tuillleadh nas motha agus tha coltas ro “thrang” air.

Tha e follaiseach gu bheil lan làrach a-nis ag amas air an t-seòrsa dhealbhan sa bhios daoine a’ cur air Facebook – peataichean agus daoine a’ dèanamh gaire sa phub. An àite a bhith ag amas air daoine a tha fìor dheidheil air togal dhèalabhan agus deònach pàigheadh airson an làrac a chleachdadhh, tha an làrach a-nis gu bhith saor is an asgaidh is tha e gu bhith ag amas air a h-uile duine.

Ach tha e coltach gu bheil gràin a’ bhàis air cleachdaichean dìcheallach flickr agus tha cunnart ann gum b’ fheàrr le càch cumail orra air Facebook leis na dealbhan cute de phiseagan co-dhiù.

Tha toll mòr nam bheatha is nam chridhe far am b’ àbhaist Flickr a bhith. Chan eil fhios agam am bu chòir dhomh cumail a’ dol leis no dìreach a dhol gu làrach eile (tha mi a-nis air ipernity.com: http://www.ipernity.com/alasdair.maccaluim).

Tha an strì a’ leantainn, ge-tà, gus flickr ceart fhaighinn air ais. Tha athchuinge ann aig: http://petitions.moveon.org/sign/change-flickr-back?source=c.url&r_by=7904580.

Beachd Eubha Bheag air a’ chùis

Alasdair